موضوع: سر تغيير نغمه "قصاد عينى" الى "كلهم بيقولوا ك الإثنين 15 أكتوبر 2007, 10:22 am
"إنتى البنت إللى فى خيالى نفس الشعر و نفس العينين و نفس الجسم و..."
دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه" الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى .. الولد بيرجع للكورة و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول"
، السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ، العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها.
مش كده ولا ايه؟
ALFares الادارة
علم بلدك : تاريخ التسجيل : 05/10/2007
موضوع: رد: سر تغيير نغمه "قصاد عينى" الى "كلهم بيقولوا ك الإثنين 15 أكتوبر 2007, 12:03 pm
هههههههههههههههههههه
والله مش كله الحب الصادق مش فيه الحاجات دى
انا سمعت عنه بس مجربتوش لانى لما بحب بحب بصدق
بس بجد مواضيعك مميزة فى انتظار المزيد
yasmina_only1 عضو فضى
تاريخ التسجيل : 07/10/2007
موضوع: رد: سر تغيير نغمه "قصاد عينى" الى "كلهم بيقولوا ك الإثنين 15 أكتوبر 2007, 12:10 pm
ميرسى ياحماده
نورتنى
SASO عضو برونزى
تاريخ التسجيل : 07/10/2007
موضوع: رد: سر تغيير نغمه "قصاد عينى" الى "كلهم بيقولوا ك الإثنين 15 أكتوبر 2007, 9:26 pm
كده يا حبيبتى
بس قليل اووووووووووووووووووووى اللى مش كده ونادر لما
يكون حد غير كده
تسلمى على التوبيك الرااااااااااائع ده
شهريار عضو فضى
علم بلدك : تاريخ التسجيل : 08/10/2007
موضوع: رد: سر تغيير نغمه "قصاد عينى" الى "كلهم بيقولوا ك الثلاثاء 16 أكتوبر 2007, 1:27 am
ههههههههههههههههههههههههههههههه حلوه بس مش انا اللى بعمل كده ههههههههههه انا صريح على طول شكرا على الموضوع الجامد موت ده يا يايسمين
gogo88 عضو ذهبى
تاريخ التسجيل : 06/10/2007
موضوع: رد: سر تغيير نغمه "قصاد عينى" الى "كلهم بيقولوا ك الأربعاء 17 أكتوبر 2007, 3:34 am
بجد الكلام ده يحصل بس مش كله
يا سمسمه
وشكرااااااا
على المواضيع الحلوه دى
جوجو88
Punisher Ghost عضو نشيط
تاريخ التسجيل : 21/12/2007
موضوع: رد: سر تغيير نغمه "قصاد عينى" الى "كلهم بيقولوا ك السبت 19 يناير 2008, 5:55 pm
ياسلام عليكي ياياسمين انت مهولة والله مواضيعك رائعة شكرا علي التوبك الرائع ده
