فى عام 1943 فى نهائى كاس مصرخسر النادى الاهلى من نادى الزمالك6/0 ويبدو ان الاهلى كان تلميذ شاطر فى مدرسه السته فقد هزم من الترسانه 6/2 فى عام 1952/1953 وكمان 6/0 من نادى السكه الحديد وسمى بعدها نادى السكه الحديد بنادى السته الحديد .
مش كده بس يبدو ان الترسانه كان شاكوش كبير امام الاهلى فبعد ان هزمه 6/2 فى عام 52/53 هزمه 5/1فى موسم 1961/1962 ويبدو ان الترسانه مكانش شاكوش بس دا كمان كان زى المرزبه فى موسم 1964/1965 وهزمه 5/1 فى الدورى 4/0 فى كاس مصر خلال 4 ايام فقط وهو حدث لم يتكرر فى تاريخ اى من الانديه المصريه من قبل ولم اسمع عنه فى العالم وبهذا افتتح الاهلى فصل جديد فى مدرسه الخامسه.
وكان تلميذ اشطر فى مدرسه الاربعات ومنها الاربعات الشهيره للدروايش حيث هزمه الاسماعيلى 4/0و4/2و4/3 دا غير لقاء 4/4 وبمناسبه الاربعات فى رباعيتين حلوين شرفنا بيهم الندى الاهلى واحده فى افريقيا والتانيه فى العرب.
الاولى كانت2/4 من بترو اتليتكو فى ستاد القاهره وكانت هذه اكبر هزيمه يتلاقاها نادى مصرى من ناد افريقى على ارضه .
اما التانيه بارضه كانت مع فئه عزيزه علينا وهم العرب وكانت فى موسم 1995 وكانت امام الافريقى التونسى وخرج الاهلى من البطوله فى الدور الاول