ادخل عشان تعرف ربنا بيحبك ولا بيكرهك!!!!

عضو فضى تاريخ التسجيل : 07/10/2007

ربنا بيحبك... ولا بيكرهك ؟

كيف اعرف ان الله يحبنى ؟ .... كيف اعرف ان الله يكرهنى ؟

دة حوااااااار بينى وبين واحده.... سالتها السؤال السابق

شوفى انا عارفه ان ربنا بيبحنى ... بجد طيب عرفتيها ازاى ...... ياستى عارفه وخلاص طيب قوليلى علشان اعرف انا كمان واخلية يحبنى

تقولى اصل انا بقى مفيش حاجة طلبتها من ربنا ومدهانيش
يبقى بيحبنى ولا لا !!

.................. لا

لا اية بقى انتى عنديه بقى اوى وهو ربنا يابنتى لو مبيحبنيش كان هيدينى اللى انا عاوزاه!!

اة ياجماعة ربنا بيدى اللى مبيحبوووووووووووش !!

الكلام دة حقيقة مش هزار ولا تاليف من خيال

قبل ما نفصل المسالة ركز معايا

ابليس تعرفوه ولا لا ؟ طبعااااااااا نعرفه هو فيه حد ميعرفوش

ابليس الشيطان الرجيم هو ربنا بيبحه ولا بيكره

طبعا بيكره دة اول واحد يعصى ربنا مع انه عارف قدره ربنا

طيب ابليس طلب من ربنا طلب وربنا ادهوله

ازاى بس !!

اسمع المولى عز وجل بيقول اية

{قَالَ رَبِّ فَأَنظِرْنِي إِلَى يَوْمِ يُبْعَثُونَ }ص79
{قَالَ فَإِنَّكَ مِنَ الْمُنظَرِينَ }ص80
معنى كدة ان ربنا لبى للابليس طلبه معنى كدة ان ربنا بيحبه !!

يبقى مش كل اللى ربنا بيلبى طلبهم يبقى ربنا بيحبهم مش شرط
امال هو اية اللى شرط

الامام ابن القيم يقول فى بداية كتابه مدارج السالكين فى شرح اية اياك نعبد واياك نستعين

الكلام على الاستعانة بيقول
واياك ان تظن ان استجابة الله لك لكرامتك على الله!!
ولكن بل قد يستجيب الله لدعاء العبد لهوانه عليه !!
وسقوطه من عينه!!
فيعطيه ليطرده عن بابه !!
دة مش كلامى وربنا دة كلام الامام ابن القيم الجوزى فى كتاب مدارج السالكين واللى ميعرفشى ابن القيم يقولى وانا ارسل له ترجمته bom

يبقى موضوع الحب يرتكز على هو اداك علشان يقربك ولا علشان يطردك

يعنى هقولك اللى قاله الشيخ يعقوب وهو بيشرح الكتاب
بيقول ان اداك علشان يطردك يعنى مثلا واحد طول النهار يدعى ويقول يارب مليون جنيه يارب
وربنا غضبان عليه يقوم مديله المليون جنيه علشان ميسمعشى صوته بيقول يارب لانه عارف قد اية هتشغله المليون جنيه دى عن ربنا فتح شركة ومش فاضى بقى لا بيصلى ولا اى حاجة وتقوله اية الاخبار
يقول خلاص انا مش عايز من ربنا حاجة كدة 100 فل وعشرة
يبقى ربنا راضى عنه بقى ولا لا ... بيحبه ولا لا
وعلى هذا كثير واحد يقول يارب اتجوز دى يتجوزها ينشغل بيها هاتلى وهتالى يشتغل ليل ونهار علشان يرضى الامورة

مش معنى انه اداك ولا استجاب دعائك انه بيحبك
ركز اوى بقى هنا

يعنى معنى كدا ان لما بيدنى يبقى بيكرهنى !؟ ................لا لا لا

انا مقولتش كدة براحة بس انا بقول لو اداك حاجة والحاجة دى بعدتك عنه وشغلتك عنه يبقى بيكرهك
انما لو اداك حاجة خلتك تقرب من ربنا اكتر واكتر وتدعليه وتقف بين اديه يبقى بيحبك
خد بالك الحاجة دى ممكن تبقى مش على هواك

يعنى مثلا لو واحد مرض مرضا ما ودا طبعا مفيش حد يتمنى المرض ... على فكرة ممكن يبقى عطاء

لان ربنا بيحبك بيحب لما تيجى تدعيله وتذلل له وعلشان عايز يجعلك تتالم فى الدنيا افضل مما تتالم فى الاخرة
هقول الاثر الجاى وبعدين اشرح

قال شيبان الراعى لسفيان الثورى عُد منع الله عطاءً فانه لم يمنعك بخلا ولكن منعك لطفا

الشرح بقى
اولا اللهم اجبر خاطر كل واحد
مثلا واحدة نفسها تتجوز بقى عندها 30 سنة ولسة متجوزتشى وبتدعى يارب انا عايزة اتزوج هو انا بطلب حاجة حرام

المنع دة عطاء ... لية وازاى ...؟

احنا كلنا مش متاكدين ان ربنا كريم ولا لا ؟
طبعا كريم

طيب لو ربنا حب يجوز دى ويشفى دة ويديى لدة 1000000000000000000000000000 دولار وكل دة ربنا يحتاج يجهز دة فى قد اية

{إِنَّمَا أَمْرُهُ إِذَا أَرَادَ شَيْئاً أَنْ يَقُولَ لَهُ كُنْ فَيَكُونُ }يس82

طيب لية ربنا مدلوش لية ؟ لطف من المولى عزو وجل cheers

عضو فضى علم بلدك : تاريخ التسجيل : 08/10/2007

نااااااااااااااااااااااااااايس نايس نايس نايس نايس بجد يا ياسمينا

بجد موضوع اكثر من ممتاز واكثر من رائع انا بشكرك ان جبتى موضوع زى ده وانتى لخصتيه فى عبارة جميله جدا اللى هي انا مقولتش كدة براحة بس انا بقول لو اداك حاجة والحاجة دى بعدتك عنه وشغلتك عنه يبقى بيكرهك
انما لو اداك حاجة خلتك تقرب من ربنا اكتر واكتر وتدعليه وتقف بين اديه يبقى بيحبك

موضوع هايل شكر ليكى

عضو ذهبى تاريخ التسجيل : 06/10/2007

الله على المواضيع الجميله دى ميرسى

ياياسمينا

منتظرين المزيد

جوجو88

عضو برونزى تاريخ التسجيل : 07/10/2007

تسلم ايدك يا ياسمين

بارك الله فيكى

عضو فضى تاريخ التسجيل : 07/10/2007

شهريار

جوجو

ساسو

ميرسى على الردود

عضو ذهبى تاريخ التسجيل : 21/10/2007

شكرا على موضوعك المفيد جدا يا سمسم وربنا يهدينا جميعا للخير

بس بجد موضوعاتك فعلا مميزة
نتمنى المزيد
شكرا شكرا(وياريت تكون كل موضوعاتك اسلامية وبلاش سكة الزمالك دي)

عضو فضى تاريخ التسجيل : 07/10/2007

ميرسى يامجدى على ردك Very Happy

» انت اهلاوى؟ طيب تعالى كدا عشان تفتخر انك بتشجع نادى جامد اوى
» (((تعالى ندعى ربنا)))
» تعالوا نخلى ربنا يرضى علينا
» كيف تعرف انك تحب ؟
» كيف تعرف انك مؤمن؟؟؟؟؟؟؟؟؟؟؟؟؟؟؟؟؟