هذا هو الاعلام الاحمر علي حقيقته

انا مش عرفة يامجدى انت بتقلب فى الماضى باين معتش عندك مواضيع تناقشها

احنا مش زهقنا من الكلام فى الحكايه دى وبرده سيبت المنتدى وزعلت من كلامى

عموما انا مستعده اناقش معاك اى موضوع ومعنديش اى مشاكل ومستيه مواضيعه الناريه

اللى بتقول عليها عشان لسه مشوفتهاش لدلوقتى

اقتباس :

دعت روابط مشجعي الأهلي من خلال منتدياتها المختلفة جماهير النادي إلي تنظيم حفل استقبال لمانويل جوزيه المدير الفني للفريق الذي يصل السبت المقبل قادما من لشبونة بعد أجازة قصيرة حصل عليها بعد نهائي أفريقيا الذي خسره الفريق أمام النجم الساحلي‏

ياريت قبل ما تنقل موضوع تقرأه كويس لان الموضوع ده قديم اوى من قبل ما يجى جوزيه من اجازته اللى كانت بعد خسارته من بطوله افريقيا

هههههههههههههههههههههههههههههههههههههههههههههه


انت لسه فاكرة ولا كنت بتفكري الاول تردي ازاى وكويس والله ان فيه حد ظهر هنا

اقتباس :

انا مش عرفة يامجدى انت بتقلب فى الماضى باين معتش عندك مواضيع تناقشها

بقلب في الماضي ==== ياه ههههه وهو فين الماضي ده بعدين مين بالظبط اللى بيقلب فى الماضي ولا هو حلال لكم وحرام لغيركم

انت مش واخده بالك ان انتم لسه للوقت بتقلبوا فى الماضي واقل مثال ماتش الستة اللى انتم لسه بتتكلموا فيه للان
يا ريت والله كلامك يكون رد على مضمون الموضوع

اقتباس :

احنا مش زهقنا من الكلام فى الحكايه دى وبرده سيبت المنتدى وزعلت من كلامى

لا انا مش سيبت المنتدى انا كل الحكاية قولت هعد عن المشاكل واظن انا قولتلك فى احد المواضيع انا مستنيكم فى قسم الرياضة وبعدين اي حكاية اللى زهقنا منها === وريني ردك على المواضيع المرفقة مشوفتكيش علقتي على نقطة واحده حتى فين ردك

اقتباس :

عموما انا مستعده اناقش معاك اى موضوع ومعنديش اى مشاكل ومستيه مواضيعه الناريه
اللى بتقول عليها عشان لسه مشوفتهاش لدلوقتى

ههههههههههههههههههه

طيب ليه انت مناقشتش الموضوع ده
ولا ده ميحسبش == اقولك اعتبري نفسك انك مشوفتهوش واستنى لما نعرض موضوع تعرفي تردي عليه
ياريت لما تتزنقوا متهربوش == لو مكنتيش دخلتي كان بقه افضل من كده انما تدخلي ومتعرفيش ترد فده مش كويس على الاهلويه علشان تصدقوا انهم (بيشجعوا بالوراثه)
ردي على الموضوع ده وبعدين ابقي قولى منتظره مواضيعك وانك مستعدة للمناقشة (مش واضح ابدا)

والله بجد انا به اللى مش عارف ارد عليكي

اااااااااه لسه فيه موضوع كمان

اه ويا ريت تخدي بالك انى لما اتكلمت فى الموضوع وكمان لما علقت عليه او لما علقت على كلامك ===فاناا رديت باسلوب شيق ومحترم على غكس البعض

سلامى للجميع

اقتباس :

بقلب في الماضي ==== ياه ههههه وهو فين الماضي ده بعدين مين بالظبط اللى بيقلب فى الماضي ولا هو حلال لكم وحرام لغيركم

انت مش واخده بالك ان انتم لسه للوقت بتقلبوا فى الماضي واقل مثال ماتش الستة اللى انتم لسه بتتكلموا فيه للان
يا ريت والله كلامك يكون رد على مضمون الموضوع

انا اقصد ان اتكلمنا فى الموضوع ده قبل كده كتير وانا زهقت من الكلام فيه لان اتناقشنا فيه بما فيه الكفايه ومش عارفه انت لسه عايز ايه من الكلام فيه
اما موضوع ماتش السته فمعلش يامجدى الموضوع ده ميتنساش ابدا
اعذرنا فيه بقى هههههههههههههههههههه

اقتباس :

انا مش سيبت المنتدى انا كل الحكاية قولت هعد عن المشاكل واظن انا قولتلك فى احد المواضيع انا مستنيكم فى قسم الرياضة وبعدين اي حكاية اللى زهقنا منها === وريني ردك على المواضيع المرفقة مشوفتكيش علقتي على نقطة واحده حتى فين ردك

هههههههههههههههههه اعلق على ايه بس يامجدى
عموما انا هعلق تعليق بسيط على الموضوع كله
وهقولك لما الزمالك يوصل للى وصله الاهلى يبقى الاعلان يساعده ويقف جنبه ويتغفرله اخطاء يمكن انت مهول فيها شويه
وبيتهيألى الزماك عمره ما هيوصل للاهلى بسياسته دى لان فى الوقت الحالى انا بعتبر ان مفيش فرق بين الزمالك وفريق من الدورى الممتاز (ب)

بصي من الاخر

الحاجه الوحيده اللى انتم ممكن تكونوا بتتفوقوا فيها علينا ( هي الادارة ) ودي محدش ينكرها == هما فعلا ناجحين جدا فى ادارة النادي لكن امورهم الشخصية بلاش اخوض فيها
لان فيها تجريح لناس كتير من الادارة وانا قولت انى مش هتكلم اى كلام يسئ لاشخاص


انما اللى بنتكلم فيه هنا عمره ما كان ولا هيكون كلام قديم

واتمنى ان الفكره تكون وصلت

وتحياتي للجميع

اله هو ان غاب القط العب يا فااار ولا ايه ههههههههههههههههه بهزر معاك يا مجدى اوعى تزعل بس اغيب يومين عن المنتدى الاقيك كده نازل طحن فى الاهلى والاهلاويه


والله يا مجدى مش عارف اقول ايه ولا ايه ولا اناقش الموضوع ده ازاى بصراحه

اولا الاهلى فريق كبير واداره محترمه زى مانتا قلت وكل فريق له الاعلام بتاعه زى مافيه اعلام احمر فيه اعلام ابيض برضه يا مجدى ولا انتا مش معايا

يعنى مثلا لما الاهلى يتغلب فى مباره مهمه زى نهائى افريقيا بتلاقى الاعلام الابيض هايص وفرحان وشمتان فى الاعلام الاحمر

كله اعلام فى اعلام ابيض فى احمر انتا عارف عمرو اديب ولا مش عارفه يا مجدى اتفرج عليه بس لما الاهلى يتغلب او يحصل له اى حاجه بص لعلامات وجهه بس هتلاقيه اد ايه مبسوط اد ايه فرحان اد ايه شمتان مش ده اعلام ابيض برضه ولا مش اعلام ابيض

بالنسبه للتعاقد مع لاعب باالطرق الخبيثه والقذره الاهلى طول عمره وادارته بيعرفوا ازاى يجيبوا لاعب وكل طرق الاهلى قانونيه ميه فى الميه الله يرحم شريف اشرف اللى خطفتوه من وراه النادى اقول مين ولا مين بس

الموضوع طويل جدا ويحتاج لمناقشه اكبر من كده

ومن الاخر الحكايه كلها اعلام

نسيت اقول حاجه


اشمعنا انتوا يا نادى الزمالك مش ناجحين فى الاداره

انتا بتقول الحاجه الوحيده اللى بنتفوق عليكم فيها هى الادراه بس ازاى الاداره بس يا مجدى

فى حاجات كتير الاداره الاعيبه البطولات كل حاجه بتهيالى

بس اسأل نفسك سؤال اشمعنا الاداره بتاعتكوا فاشله ؟؟؟؟؟؟؟؟؟؟؟؟؟

انا هرد على الموضوع كله جزء جزء يا مجدى وهقارن بين الاهلى وبين الزمالك

اولا بالنسبه للجزئيه بتاعت مصطفى يونس فكلامه صحيح ميه فى الميه لأن اللى عمله الجيل ده من اللاعيبه معملوش أى فريق على مر الاجيال سواء فى الاهلى او الزمالك صح
يبقى ايه يعنى لما تخسر بطوله وده وارد بعد الانجازات دى كلها وبفعل فاعل وكلنا عارفين كده

ثانيا لما الاهلى يشكو العرجون اللى احنا عارفين انه مش بيحب مصر ولا الانديه المصريه ده شئ لازم نقف كلنا جنبه هو مش هيرجع البطوله تانى لان مفيش بطوله بترجع ولكن علشان يتعاقب وميحكمش اى ماتش تانى للاهلى او الزمالك ويخرجهم من البطوله...صح ولا غلط

ثالثا امتى الزمالك اشتكى حكم حكم عليه ظلم واى حد وقف ضد الزمالك وقال دى هرطقه وكلنا ده ضحك وسخريه
ياريت تفكرنى لان انا مش فاكر وياريت يكون فى بطوله قاريه لان احنا بنتكلم فى قارى

رابعا بالنسبه للاعلام والصحافه زى ما السيد قال فى صحافه واعلام أحملر وفيه صحافه واعلام ابيض وكل فريق بيدافع عن الفريق اللى بيميل ليه وده شئ طبيعى.وان كنت شايف ان الاهلى مخدش حقه من التريقه والتشهير بالهزيمه فى بطوله افريقيا فأنا بقولك لاء يا مجدى يبقى انت اللى مكنتش بتقرأ جرايد ومكنتش بتتفرج على التلفزيون

خامسا:إمتى جمهور الزمالك شجع فريقه وهو خسران...وامتى الاعلام اتريق عليه وقال دى سخريه الكلام ده مش طبيعى.....ياريت تفكرنى يمكن اكون انا ذاكرتى ضعيفه

سادسا :بالنسبه للتعاقدات وخطغ اللاعيبه احب أأكد ليك ان اللاعيبه اللى جت من الزمالك اقل بكثير من اللاعيبه اللى الزمالك خطفها من الاهلى
فلو كان الاهلى خد رضا عبد العال وطارق السعيد ومحمد صديق واينو
فأنا احب اقولك ان الزمالك خد من الاهلى جمال عبد الحميد ومحمد عبد الجليل وأيمن شوقى وابراهيم حسن وحسام حسن وابراهيم سعيد وشريف اشرف واحمد مجدى
دول اللاعيبه اللى انا عاصرتها وانا بشجع كوره بيتهيألى يبقى الزمالك هو اللى بيلعب فى الماء العكر.....

سابعا بالنسبه للتعاقدات الخارجيهاللى من الانديه فأحب أأكد ليك ان مفيش أى صفقه دخلت الاهلى الا وكانت بالطرق الشرعيه ما عدا طبعا الصفقات اللى من الزمالك
لكن باقى الصفقات بتبقى بموافقه النادى واللاعب
وأحب أأكد ليك برده ان أى صفقه بتدخل الاهلى مش بتدخل الا بعد صراع طويل مع شقيقنا وحبيبنا الزمالك ....كلامى صح ولا غلط

أتمنى ان تقرأالموضوع بعنايه وصدر رحب وان تتقبل كلامى لانه أولا وأخيرا وجهه نظرى
ويارب مكنش ضايقتك ومستنيك تشكرنى على كلامى

وفى النهايه برده شكرا ليك على الموضوع الرائع وشكرا ليك لانك فتحت لينا باب النقاش والخلاف فى الرأى لايفسد للود قضيه
مع تحياتى جوجو88

بصراحه يا جوجو تسلم ايديك وبجد دى المناقشه الجميله رد فى منتهى الجمال ومناقشه اكثر من رائعه بحييك عليها بجد


وتسلم يا مجدى على طرح مثل هذه المواضيع للمناقشه تسلم ايديك واوعى تزعل من الرد بتاعى