موضوع: تصميمات مختلفة للمحجبات الخميس 25 أكتوبر 2007, 3:32 pm
محجبات صيف 2007 شكل تاني
بدأت نسايم الصيف تهل علينا.. واحنا في (منتدى الفارس) قررنا رفع درجة حرارة الجو.. وهنقدم لكم موضوعات تتناسب مع هذه الحرارة أزياء وإكسسوار وماكياج وماسكات... بجد انتظروا مفاجآت لكل البنات..
مساعدة المحجبات على الظهور بمظهر يليق بالإسلام لأن المحجبة المحتشمة الأنيقة هي سفيرة لكل المسلمات.. تستطيع أن تنقل وتصحح صورة المرأة المسلمة في أي مكان تتواجد فيه.
كان زمان ملابس المحجبات مشكلة وأزمة حقيقية.. قليل جدا المتخصص في ملابس المحجبات والمتاح ذوقه وحش جدا وده كان سبب في تأخر الكثيرات في لبس الحجاب أو مبرر لخلعه، لكن النهارده الصورة اختلفت وأصبح هناك بيوت أزياء راقية جدا متخصصة قفط في ملابس المحجبات والإيشاربات بأشكالها المختلفة.
المحجبات في رأيي المحجبات تلات أنواع.. محجبة ملتزمة جدا جدا تلبس العباية والإسدال، ومحجبة مجرد لابسة إيشارب على شعرها فقط، وبتلبس ضيق جدا وباديهات بتفصل شكل جسمها.. ومحجبة في النص محتشمة بس على الموضة... المحجبة دي هي محور اهتمامي في المقام الأول.. باحاول أخليها أنيقة جدا وعلى قد ما أقدر تكون محتشمة وملتزمة.
متابعة الموضة أتابع الموضة في كل مكان على قدر ما أستطيع وأحاول الاطلاع على كل جديد في عواصم الموضة والأزياء.. المشكلة الكبرى أمام مصمم الأزياء الجسم الممتلئ... البنت المليانة واللي لازم تلبس على الموضة وهو التحدي الأكبر أمام المصمم الناجح.. نقل الموضة وتطويعها لتناسب بيئته وجمهوره.
"البنشو" –بلوزة من الشيفون أو الحرير على شكل فراشة يلبس تحتها بادي– وهو يجمع بين الأناقة والاحتشام وقريب من فكرة العباية بس على مودرن.... الصيف ده صيف الألوان والإكسسوار والإيشاربات الجميلة.. أنا هدفي إرضاء البنت المصرية العادية البسيطة اللي ميزانيتها محدودة.. أحاول مساعدتها في اختيار ملابسها وإكسسوارها بما يتناسب مع إمكانياتها.. المهم تبقى بنت محجبة أنيقة ومحتشمة.
القصات والخامات المستخدمة في الصيف السنة دي
الشيفون موضة جدا وهو متصدر الأقمشة وخاصة المكرمش المشجر والمنقوش بألوانه وكمان جلد النمر "التيجر" بألوانه البني والأزرق وطبعا الفواتح قوي والأبيضات... "البلاك أند وايت" كان موضة بين الفصول لكنها استمرت للصيف.. الذهبي والفضي موضة جدا وبيدخل على شكل خطوط في الشيفونات كمان من الألوان الموضة الفوشيا مع درجات الأزرق...
مستمر طبعا الأقطان والكتان ولكن أقل من الصيف الماضي.. أما بالنسبة للقصات "التايبس" –الوسط الساقط- وبتتنفذ في الفساتين.. والموديل ده بيناسب البنات جدا وشكله حلو وممكن البنت تلبسه مع البنطلون الجينز أو الجيب.. من الحاجات الموضة الكروشيه وشكله على فكرة يبقى حلو في اللبس.
البنت المحجبة ممكن تلبس جينز مناسب و في نفس الوقت حشمة
مهم يكون بنطلون البنت المحجبة واسع شوية.. طبعا البنت القصيرة النحيفة صعب تلبس واسع قوي، ممكن تختار بنطلون ضيق من فوق ونازل على واسع بسيط لكن المليانة فتختار بنطلون تكون رجليه واسعة شوية، يعني يبقى قريب من "الشارلستون".. النهارده فيه جينز مخصوص للمحجبات وسهل الحصول عليه.
أنسب موديل للبنت الممتلئة
مناسب لها جدا الجيبات والابتعاد عن الفواتح وتهتم بالألوان الغامقة والموضة في نفس الوقت، زي البني في الأزرق أو في الأورنج، ولو هتلبس بنطلون تتجنب تلبس عليه حاجة تخلي شكلها تخين.. ممكن تلبس "البنشو" لكن غامق وفيه وردة حمراء أو أورنج أو فوشيا..
التطريز في الصيف ده القماش وطبيعته هي الأساس والتطريز بيكون جزء من القماش.. الفساتين الكتان معتمدة على القصة والزراير.. استخدام الستان في تصميم الفساتين والبلوزات موضة قوي وبيدي شكل جديد ومميز بدل التطريز.
الموضة في الإيشاربات الإيشارب الشيفون موضة جدا.. والشيفون المكرمش.. وكمان الحراير الهندي.. التطريز أقل في الإيشاربات والبديل الكورشيه..
الجديد في الإكسسوارات وخاصة للمحجبات الإكسسوار قطعة مهمة جدا وبتغير من شكل اللبس وحتى لو عندك لبس قديم شوية ممكن تجدديه بالإكسسوار..
أما بالنسبة للإكسسوار الموضة فهو العقد الطويل جدا والبنت تلفه أدوار على رقبتها.. النهارده ممكن العقد يوصل للركبة وموضة جدا...
ا لبنت النحيفة تلبس عقد بسيط لكن المليانة شوية تكبر الإكسسوار لأنه بيشتت الانتباه بعيدا عن جسمها الممتلئ..
من الخامات المستخدمة في عقود الكريستال والأحجار الملونة والخرز..
الاحزمة كمان موضة.. الإكسسورات الموضة الذهبي والفضي منها وكل فساتين الصيف ده فيها مكان لوضع الحزام.. لكن بالطبع البنت المليانة لا يفضل أن تلبس حزام..
نصيحتي للبنات نفسي البنت المحجبة تكون مقتنعة إن لبسها للحجاب عشان ربنا بمعنى إنها تخلص النية في هذا العمل عشان جمالها الداخلي ينعكس على وجهها.
من الحاجات اللي بتزعلني إني أشوف محجبة لابسة وحش أو ألوان مش لايقة على بعض..
موضوع: رد: تصميمات مختلفة للمحجبات الجمعة 26 أكتوبر 2007, 3:08 am
ناااااااااااااااااااااايس يا مجدى تسلم على زوقك يا جميل بقولك ايه لو فيه تصميمات للاسدال هات علشان انا بحب البنت اللى بتلبس اسدال موووووووووووت لما بشوفه بتجنن هههههههههههههههههههههههههههههههه
SASO عضو برونزى
تاريخ التسجيل : 07/10/2007
موضوع: رد: تصميمات مختلفة للمحجبات السبت 27 أكتوبر 2007, 8:13 pm
تتتتتتتتتتتتتتتتتتتتتتتتتتتتتتتتتتتتتتتحفه والله
بجد ميرسى اوى على الشغل التمام ده
نيييييييييييييييييييييييييييييييييييييييييييييس
البلدوزر عضو نشيط
تاريخ التسجيل : 26/10/2007
موضوع: رد: تصميمات مختلفة للمحجبات الأحد 28 أكتوبر 2007, 3:27 pm
اظن لو انا ضحكت الوقت بعد الصور دى انت الوحيد اللى تعرف انا بضحك ليه لكن انا فى الحاجات دي معرفش اتكلم بعدك ياعم
ALFares الادارة
علم بلدك : تاريخ التسجيل : 05/10/2007
موضوع: رد: تصميمات مختلفة للمحجبات الثلاثاء 06 نوفمبر 2007, 10:22 pm
شويه تصميمات جمييييييييييييييييييييييييله
ثانكس مان على المواضيع المتميزة دى
yasmina_only1 عضو فضى
تاريخ التسجيل : 07/10/2007
موضوع: رد: تصميمات مختلفة للمحجبات الأربعاء 07 نوفمبر 2007, 2:15 am
ميرسى
magdy عضو ذهبى
تاريخ التسجيل : 21/10/2007
موضوع: رد: تصميمات مختلفة للمحجبات الجمعة 16 نوفمبر 2007, 2:26 am
ياسمين )
شكرا لمرورك
ابوتريكة عضو جديد
تاريخ التسجيل : 17/11/2007
موضوع: رد: تصميمات مختلفة للمحجبات الأحد 18 نوفمبر 2007, 2:02 pm