اسلاميات دردشه افلام برامج الالعاب الرياضة وكرة القدم مصارعة
 
الرئيسيةبحـثالتسجيلدخول

شاطر | 
 

 شبيكوا لبيكوا احنا هننصب عليكوا

اذهب الى الأسفل 
كاتب الموضوعرسالة
yasmina_only1
عضو فضى
عضو فضى
avatar

انثى تاريخ التسجيل : 07/10/2007

مُساهمةموضوع: شبيكوا لبيكوا احنا هننصب عليكوا   الأربعاء 23 يناير 2008, 3:56 am


"حاسس إنك لوحدك؟ حزين ومكتئب وجواك شعور بإن الحياة لونها إسود مخطط بكحلي متلون برمادي؟ بتسمع كتير أغنية "عيد ميلاد جرحي أنا"؟ بتشتري شمع ملون وتولعه يوم عيد ميلاد جرحك إنت وبعدين تقف تغني -مع الديابة الوحدانية- "الأيام الحلوة بتعدي في ثواني" يبكى بدموع ؟

عرفت "سوسن" وقالت لك إنها بتموت فيك وبعدين شفتها بعينيك -اللي أكلهم الدود- وهي خارجة حاطّة إيدها في جيب "سيد" صاحبك من جنينة الأورمان الساعة 6 بالليل رغم إنها بتقفل الساعة 5 -"الأورمان" مش "سوسن" شسيب !-..


والدك بيبص لك بصة بتحسسك بإنك "هريدي" ولد عمه اللي في الصعيد اللي هيطخه عيارين عشان ياخد بتاره؟.. والدتك دايما بتحط "ورك الفرخة" لأخوك الصغير رغم إنها عارفة إنك مش بتاكل حاجة في الفرخة إلا وركها؟ جميل

نفسك تركب أسانسير في بيتكم -اللي هو دورين بس- عشان تركبه مرة فيحصل فيه عطل فيقع بيك فتيجي لك كسور مضاعفة وتروح المستشفى فترتاح من كل الناس الوحشة دول؟


ماتترددش.. اتصل بينا على خط "الفضفض فون" على رقم ".........." هنسمعك وهندلعك وهنشخلعك وهنحميك وهنلبسك وهنكسيك وهنطلعك زي الفل كأنك جوزين حمام بالفريك..

اتصل دلوقتي وفضفض معانا هتلاقينا كلنا بنسمعك.. اتصل بينا على "........" نقول كمان الرقم "........." نعيد كمان الرقم "............" نزيد كمان الرقم "........." ممكن تسمع لنا الرقم "......."Arrow !

"لو كنت بتدوري على أقصر الطرق إلى شباب الجامعة، ونفسك تعرفي أسهل الطرق لقلب "هاني" و"تامر" و"لؤي" و"ياسر" و"رامي" و"حاتم" عشان "تأنتمي" مع كل واحد فيهم يوم في الأسبوع وتاخدي يوم الجمعة أجازة! -اتصلي بينا على ".... شسيب ....."..

لو كنت بتشعري بالحقد والغل والحسد تجاه صاحبتك "نورا" الجميلة الأمورة الحلوة ونفسك تعرفي طريقة تخليكِ زي القمر وأحلى منها مية مرة اتصلي بينا على "........"..


لو شفتِ نفسك في المراية فحسيتِ بإنك بتتفرجي على فيلم رعب، ولو مشيتِ في شارع جامعة الدول العربية، فمافيش أي عربية وقفت لك، ولو ركبتِ أتوبيس زحمة فمافيش أي بني آدم طلع عنده ذوق قام وقعدك مكانه، اتصلي بينا على ".........."..

لو جربتِ كل أنواع الشامبو المستورد والمحلي، واستخدمتِ كل أنواع الزيوت من أول زيت "شل" لغاية زيت "التعاون" وفضل شعرك زي ما هو أنشف من الليفة وهي على الشجر وأخشن من الحجر وهو لسه على الجبل، اتصلي بينا على "........" خط "ياختي فون" للماكياج والجمال والموضة..

"ياختي فون".. هيروشك وهيأيفك وهيخليكِ أحلى بنات الكون وأرق من كل الكائنات البرمائية والزاحفة.. اتصلي الآن..

"مع ياختي فون.. هتخلي كل الشباب مجنون" عبيط !



"أخي الفاضل.. ندرك مصاعب ومشاغل الحياة التي تعاني منها.. وندرك -أخي الفاضل- أنك بكل تأكيد -أخي الفاضل- لديك الكثير من التساؤلات التي لا تستطيع -أخي الفاضل- أن تبوح بها لأحد خوفا -أخي الفاضل- من أن يمثل هذا لك -أخي الفاضل- حرجا أو يثير حولك -أخي الفاضل- بعض من التساؤلات -اللي كده أو كده- أخي الفاضل..

اتصل بينا على "..........." ونحن في خط "الإيمان الصوتي" سنكون إلى جوارك -الجيم تنطق معطشة كما ينطقها أهل الخليج- وسنجيب عن كل أسئلتك -أخي الفاضل- الإيمانية، وسيتواصل معك -أخي الفاضل- نخبة من ألمع العلماء والشيوخ الذين يسهرون من أجل راحتك -أخي الفاضل- ويسعون دوما إلى معرفة كل ما هو جديد في عالم الفتوى حتى يقدمون لك -أخي الفاضل- آراء وفتوى تتماشى مع صحيح الدين..

معنا في "خط الإيمان الصوتي".. أنت في القلب.. بس اتصل الأول على "....... قراءة ..."!


لو لاحظت هتلاقي إن الإعلانات دي اللي بتقدم خدمة مدفوعة الثمن مقدما عبر الاتصال التليفوني بتركز على ثلاثة خطوط أساسية...
"المشاكل العاطفية- الموضة والماكياج- الاستفسارات الدينية"..


ده معناه أن الخطوط الثلاثة دول هم بالفعل أكثر الأشياء التي تشغل بال الشباب اللي هم عادة بيكونوا مستهدفين من الإعلانات دي..

الشباب.. حضراتكم يعني!

والسؤال اللولبي المحوري الجوهري هنا:


هل تثق في الخدمات والنصائح التي تقدم عبر خدمة تليفونية مدفوعة الثمن؟

ويا ترى جربتها مرة أو مرتين أو عشرة قبل كده؟

وكانت النتيجة إيه؟

ممكن تكتبوا إجابة حلوة كده من غير ما تتصلوا على أي رقم تليفونVery Happy !

الرجوع الى أعلى الصفحة اذهب الى الأسفل
شهريار
عضو فضى
عضو فضى
avatar

ذكر علم بلدك :
تاريخ التسجيل : 08/10/2007

مُساهمةموضوع: رد: شبيكوا لبيكوا احنا هننصب عليكوا   الأربعاء 23 يناير 2008, 4:06 am

هههههههههههههههههههه والله موضوع لذيذ يا ياسمين وجميل جدا وبشكرك عليه


اولا انا مش بثق فى الخدمات دى اطلاقا

ولاعمرى جربتها بس نفسى اجربها واشوف ايه النتيجه هههههههههههههههههههههه
نفسى

بشكرك يا ياسمين مره تانيه على الموضوع الجميل ده

_________________
الرجوع الى أعلى الصفحة اذهب الى الأسفل
dandana87
عضو فضى
عضو فضى
avatar

ذكر تاريخ التسجيل : 15/10/2007

مُساهمةموضوع: رد: شبيكوا لبيكوا احنا هننصب عليكوا   السبت 26 يناير 2008, 8:55 pm


_________________
الرجوع الى أعلى الصفحة اذهب الى الأسفل
مداح القمر
عضو نشيط
عضو نشيط
avatar

ذكر تاريخ التسجيل : 28/12/2007

مُساهمةموضوع: رد: شبيكوا لبيكوا احنا هننصب عليكوا   السبت 26 يناير 2008, 11:14 pm

بعد قراءة هذا الموضوع الجميل

انا معنديش تليفون اصلا
شكرا على الموضوع
الرجوع الى أعلى الصفحة اذهب الى الأسفل
yasmina_only1
عضو فضى
عضو فضى
avatar

انثى تاريخ التسجيل : 07/10/2007

مُساهمةموضوع: رد: شبيكوا لبيكوا احنا هننصب عليكوا   الأحد 27 يناير 2008, 6:36 am


ميرسى ياشهريار على المرور ونصيحه بلاش تجرب احسن
الرجوع الى أعلى الصفحة اذهب الى الأسفل
yasmina_only1
عضو فضى
عضو فضى
avatar

انثى تاريخ التسجيل : 07/10/2007

مُساهمةموضوع: رد: شبيكوا لبيكوا احنا هننصب عليكوا   الأحد 27 يناير 2008, 6:37 am


ميرسى ياندنه على المرور
الرجوع الى أعلى الصفحة اذهب الى الأسفل
yasmina_only1
عضو فضى
عضو فضى
avatar

انثى تاريخ التسجيل : 07/10/2007

مُساهمةموضوع: رد: شبيكوا لبيكوا احنا هننصب عليكوا   الأحد 27 يناير 2008, 6:37 am


برافو عليك يامداح القمر

وميرسى على المرور
الرجوع الى أعلى الصفحة اذهب الى الأسفل
ALFares
الادارة
الادارة
avatar

ذكر علم بلدك :
تاريخ التسجيل : 05/10/2007

مُساهمةموضوع: رد: شبيكوا لبيكوا احنا هننصب عليكوا   الإثنين 28 يناير 2008, 1:18 am


اولا بشكرك يا سمسمه على الموضوع الجميل دا
وان الحمد لله اتصالى دائما بيبقى بالخالق قبل المخلوق والحمد لله اى مشكله بعرف احلها من خلال الاتصال دا اللى دايما موجود بالخدمة وببقى متاح دايما ورصيده مفتوح وملوش وقت محدد ولا صلاحيه معينه

تسلم ايدك وبارك الله فيكى تقبلى مرورى

_________________
الرجوع الى أعلى الصفحة اذهب الى الأسفل
http://alfares1.ahlamontada.com
ALFares
الادارة
الادارة
avatar

ذكر علم بلدك :
تاريخ التسجيل : 05/10/2007

مُساهمةموضوع: رد: شبيكوا لبيكوا احنا هننصب عليكوا   الإثنين 28 يناير 2008, 1:18 am


_________________
الرجوع الى أعلى الصفحة اذهب الى الأسفل
http://alfares1.ahlamontada.com
yasmina_only1
عضو فضى
عضو فضى
avatar

انثى تاريخ التسجيل : 07/10/2007

مُساهمةموضوع: رد: شبيكوا لبيكوا احنا هننصب عليكوا   الإثنين 28 يناير 2008, 2:42 am

ميرسى جدا يااحمد على ردك الجميل

وياريت كل الشباب يعمل كده
الرجوع الى أعلى الصفحة اذهب الى الأسفل
besso
عضو فلته
عضو فلته
avatar

ذكر تاريخ التسجيل : 09/12/2007

مُساهمةموضوع: رد: شبيكوا لبيكوا احنا هننصب عليكوا   الثلاثاء 29 يناير 2008, 7:47 pm


ههههههههههههههه
مرسى يا ياسمين موضوعك جميل جدا
بس والله انا مجربتش ومش هجرب والحمد لله

بس انتى كده بوظتى فيلم ظرف طارق ههههههههه

_________________
الرجوع الى أعلى الصفحة اذهب الى الأسفل
 
شبيكوا لبيكوا احنا هننصب عليكوا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الفـارس :: 

القـــســـم الـــعــام  :: المناقشه والحوار الساخن

-
انتقل الى: